मन पर्छ
मन पर्छ
- - प्रसन्न घिमिरे
ताराले
आकाश भरिएको मन पर्छ
हृदयले
यस्तै यस्तै गरेको मन पर्छ
मन
पर्छ मलाई मन पर्छ ।
छाँयालाई
हाँगामा निदाउन दिने
मायालाई
छातिमा ब्यूँझन दिने
गज्जब
गज्जबको रात मन पर्छ ।
स्वासमा
स्वास मिठो मिसाइ रहने
धागो
स्वासको धागो बनाई रहने
चुपचाप
चुपचापको रात मन पर्छ ।
सपनाको
हल्का पद्चाप बोकी चल्ने
छुवाइको
नरम नरम आवाज बोल्ने
आदाआदा
निदको रात मन पर्छ
- काठमाण्डौँ