‘विचारको उल्टो नदी’ सार्वजनिक
‘विचारको उल्टो नदी’ सार्वजनिक
असार १३, हेटौंडा
प्यारा गुरुहरु !
मलाई हली बन्न सिकाइदेऊ !
मलाई गोठालो बन्न सिकाइदेऊ !
मलाई सिपाही बन्न सिकाइदेऊ !
मलाई राजनीति गर्न सिकाइदेऊ !
मलाई खेलाडी बन्न सिकाइदऊ !
वा
मलाई अध्यापन गर्न सिकाइदेऊ !
मलाई पेसाप्रति
प्रेम जगाइदेऊ !
हामी जीवनसँग टाढिएर
ज्ञान लिनै सक्दैनौँ ।
(कलेजः एक यातना शिविरबाट)
युवाकवि सुवास खनाल आफ्ना कविताका हरफहरु वाचन गरिरहँदा अगाडी बसेर ध्यानपूर्वक सुनिरहेका थिए, उनलाई कखरा सिकाउने गुरु उद्धव सापकोटा । त्यहीँ सँग मुस्काइरहेका थिए उनलाई कविता लेख्न सिकाउने गुरु रमेशमोहन अधिकारी र क्याम्पसमा अंग्रेजी साहित्य पढाउँदै साहित्यप्रतिको मोह जगाइरहने गुरु उदय अधिकारी ।
शुक्रबार मकवानपुर बहुमुखी क्याम्पस हेटौंडाको सभाहलमा कवि खनालको पहिलो कविताकृति ‘विचारको उल्टो नदी’ विमोचन भयो । सिङ्गै साहित्यिक पारिवारिक माहौलका कवि खनाले पुस्तक विमोचनका लागि वरिष्ठ कवि विमल निभा र श्यामलसँग आफ्ना पिता गोकर्ण खनाललाई पनि मञ्चमा उकाले ।
विमोचनपछि खनालले भने, ‘मैले जीवनको पहिलो कविता मुना बालपत्रिकाबाट चोरेर सुनाएको थिएँ, त्यसपछि बुबाको डायरीबाट दोस्रो र तेस्रो कविता पनि । चौथोबाट बल्ल मैले आफैँले कविता लेख्न थालेँ ।’
लेखकीय इमानदारिताका विषयमा सचेत कवि खनालले बजार हेरेर कविता लेख्ने परिपाटी बढ्दै गएकोप्रति असन्तुष्टि पनि व्यक्त गरे ।
पुस्तक विमोचनपछि बोल्दै कवि श्यामलले विचार तत्व कवितामा अनिवार्य रहेको बताउँदै खनालका कवितामा विचार सँगसँगै
वरिष्ठ कवि विमल निभाले कवि सुवास खनालका कविताहरु नेपाली कविताका नयाँ प्रतिनिधिका रुपमा उभिन सक्षम रहेको बताए ।
यस्तै कवि भूपिनले कवितालाई जारी विश्वकप फुटबलसँग तुलना गर्दै खनालको कृति कुनै स्ट्राइकरको कलात्मक गोल भएको बताए ।